Korxonamiz avtosanoat korxonalarida sifat menejmenti tizimining yangi sertificati IATF 16949:2016 va xalqaro sifat menejmenti tizimi ISO 9001:2015 sertifikatining yangi versiyasini qo’lga kiritdi.
Avtomobil sohasida sifat menejmenti bo’yicha ko’p qo’llaniluvchi, o’zida avtomobil ishlab chiqarishda sifat menejmenti tizimlari uchun texnik talablarni mujassam qilgan xujjatlardan biri ISO/TS 16949 sertifikatidir. U 1999 yil Avtosanoatning xalqaro ishchi guruxi(IATF) ISO/TC 176 bilan hamkorlikda ishlab chiqilgan va avtomabil sohasida global ta’minot zanjirida turli baholash va sertifikatlash tizimlarini muvofiqlashtirishga yo’naltirilgan.
2016 yilning oktyabr oyida ISO/TS 16949:2009 o’rniga yangi IATF 16949:2016 standarti ishlab chiqildi. IATF 16949:2016 sanoat standarti ISO 9001:2015 sifat menejmenti tizimining oxirgi versiyasining tuzilishi va matniga asoslanadi.
IATF 16949:2016 ISO 9001 ga qo’shimcha bo’lib, uni avtomobil komponentlari yetkazib beruvchilariga mos standartga o’zgartiradi.
IATF 16949:2016ni tadbiq qilish, muddati, sertifikatlashtirish xususiyatlari va qo’shimcha talablarini haqida eng so’nggi ma’lumotlar IATF veb-saytida mavjud.
